Trajneri i Kombëtares Shqiptare, Sylvinho, ka thënë fjalët e tij lidhur me shortin që rezervoi fatet e skuadrës së tij për kualifikueset e Kupës së Botës 2026.
Për teknikun brazilian, grupi në të cilin u shortua Shqipëria është i vështirë, teksa foli dhe për atë që quhet dueli i Ballkanit përballë Serbisë.
“E dinim që do të ishte e vështirë. Për ne çdo ndeshje do të jetë si finale. Kemi një ëndërr, duam që të shkojmë përpara. Përballja me Serbinë? Do të jetë një ndeshje si gjithë të tjerat. E dimë historinë, por ne jemi profesionistë dhe mendojmë vetëm për futbollin. Jemi për të luajtur futboll dhe mendojmë vetëm për futbollin. Nuk është e lehtë që të bësh llogari. Ne duhet të grumbullojmë sa më shumë pikë që të jetë e mundur, më shumë se kundërshtarët, që të mund të kualifikohemi”, tha trajneri në prononcimin e shkurtër.
/E.S
