Reshjet e dëborës që kanë përfshirë juglindjen e vendit i kanë shtuar magjinë qytetit të Pogradecit.
Kryeministri Edi Rama ndau sot në rrjetet sociale pamje nga Driloni në Pogradec, i mbuluar nga ‘velloja’ e bardhë e dëborës.
“Parku i Drilonit, që bora e këtij janari e bën të duket si i dalë nga ndonjë përrallë e Andersenit”, shkruan Rama.
Driloni, ku gjatë tri stinëve të tjera të vitit mund të shëtitësh, vozitësh me varkë dhe të shijosh bukuritë e florës dhe faunës së pasur, sot ofron një pamje mbresëlënëse.
Degët e pemëve janë varur nga dëbora, ndërsa varkat janë ankoruar buzë liqenit.
S,M
