Kryetari i PD-së, Sali Berisha, në një takim me kandidatët femra për deputete në Tiranë, ka akuzuar mediat kombëtare se po censurojnë opozitën. Ai sulmoi katër televizionet kryesore, që sipas tij funksionojnë si një zë i vetëm në shërbim të qeverisë.
Ai tha se garanton se opozita do t’i tejkalojë me mobilizim dhe me kontakt të drejtpërdrejtë me qytetarët. Nga ana tjetër ai kërkoi që të tejkalohet kjo situatë duke takuar sa më shumë njerëzit, duke shtuar takimet me njërëzit.
“Ne përballemi me vështirësi të shumëllojta, por kur jemi në fushatë elektorale, ajo që është më seriozja, është censura. Ju, mediat iu censurojnë. Opozitën, katër TVSH-të bis e censurojnë. Këtu nuk merr vesh kush është TVSH është TVSH apo Top-TVSH, pra janë të gjitha një konglomerat kush e kush të censurojë më shumë opozitën dhe kush e kush t’i shërbejë më shumë qeverisë dhe favoreve që ajo u bën. Fjala është kryesisht për mediat kombëtare. Por historia ka treguar se sado e fortë të jetë kjo censurë, përsëri është e kapërcyeshme. Dhe është e kapërcyeshme vetëm me takime me njerëzit”.
“Fushata e fundit e presidentit Donald Trump ka leksionin më të madh të saj, takimin me njerëzit. Ai kishte një censurë të jashtëzakonshme, në tërësi nga të gjitha ato që quhen mainstream media, përveç njërit që ishte i lëkundur. E keni parasysh se kishin vendosur gjigantët e rrjeteve sociale censurën. Dhe atë censurë e kishin kryesisht për Trump”, – tha Berisha. m.p.
