Autizmi është kthyer në problem serioz edhe në vendin tonë, teksa një në 31 fëmijë po lind me çrregullime të spektrit të autizmit ndikuar nga shumë faktorë qofshin gjenetike ose jo.
Megjithatë, një tjetër lloj autizmi duket se po e kultivojmë vetë çdo ditë, duke i lënë fëmijët që të vegjël fare me telefona celularë në duar.
“Është njëlloj si autizmi me të njëjta simptoma, duke i krijuar vonesa në zhvillim, në të folur. Po hasim fëmijë që fillojnë flasin në moshën 3-vjeç. Deri në 2 vjeç në mënyrë kategorike e ndaluar”, shprehet logopedi, Elis Musaraj.
Fëmijët e lindur më çrregullime të spektrit diagnostikohen vonë në vendin tonë pasi jo vetëm prindërit, por edhe edukatoret nëpër çerdhe apo kopshte nuk janë të trjnuar të arrijnë të dallojnë herët simptomat. Ekspozimi i këtyre fëmijëve ndaj telefonave apo ekraneve shkakton dy fish dëme.
“U shton ankthi, lëvizje te përsëritura, vonesa në komunikim”, thekson logopedi Musaraj.
Rritja e shifrave të autizmit në Shqipëri njësoj si në vende të tjera kërkon ndërhyrje të strukturave shtetërore për të mbështetur familje që kanë në anëtar me çrregullime të spektrit dhe këtu nuk bëhet fjalë vetëm për mbështetje nëpërmjet kempit./TCH./E.S
