Meghan Markle ka befasuar publikun me rrëfimin e saj të sinqertë mbi mënyrën sesi ka arritur të përballojë sfida personale, veçanërisht gjatë periudhës së shtatzënisë. Në një bisedë me Hannah Mendoza, themeluese e kompanisë së kafesë me bazë kërpudhash Clevr Blends, Meghan zbuloi se një përzierje e përgatitur sipas mjekësisë Ayurvedike e ndihmoi të ruante qetësinë dhe balancën emocionale.
“Njerëzit kur dëgjojnë për kërpudhat, menjëherë mendojnë për diçka ‘hipi’, për një mënyrë alternative jetese. Por nëse nuk i njihni adaptogjenët, mund t’ju duken të çuditshëm,” shpjegoi Meghan në podcast. “Janë elementë ushqimorë që kanë qenë pjesë e trajtimeve natyrore ndër shekuj. Ideja është ta shohim ushqimin si ilaç.”
Ajo shtoi se përfshirja e këtyre produkteve në përditshmëri e ka ndihmuar të qëndrojë e përqendruar dhe e qetë në momente sfiduese. Edhe Princi Harry ka përmendur më parë eksperiencat e tij me kërpudhat, të cilat i ka përmendur në kujtimet e tij që datojnë në vitin 2016.
Në një tjetër rrëfim personal, Harry ka pranuar gjithashtu se në moshën 17-vjeçare kishte provuar kokainën, por theksoi se “nuk më dha asgjë, nuk ishte ajo që më duhej.”/E.Ç
