Pamje të reja nga mbrëmja e 3 Majit, ku kandidati i Partisë Demokratike, Bledjon Nallbati dhe i vëllai i tij janë konfliktuar me një shofer kamioni në Bilisht kanë dalë nga kamerat e sigurisë në zonë.
Në pamjet e reja, shihet se konflikti i cili nisi në rrugë si mosmarrëveshje për qarkullimin në rrugë dhe arriti deri në dhunë fizike vijon edhe në prezencë të policisë.
Në një moment Nallbati shihet teksa ngjitet në shkallën e kamionit për të goditur shoferin. Më pas, merr makinën dhe largohet.
Pas publikimit të videos së parë u arrestua vëllai i tij Alti Nallbati i cili në seancën gjyqësore u la me masën detyrim paraqitje.
Nallbati gjatë kësaj kohe ka hedhur akuza ndaj drejtuesit politik të qarkut të Korçës, Niko Peleshi për sulm politik. m.p.
