Të paktën 93 persona janë vrarë në sulmet izraelite në të gjithë Rripin e Gazës që nga agimi i së mërkurës. Kjo është bërë e ditur nga burime mjekësore për Al Jazeera-n.
Forcat izraelite kanë vazhduar bombardimet e tyre të Gazës me një seri sulmesh vdekjeprurëse gjatë natës, duke përfshirë një sulm ndaj një depoje ku strehohen palestinezë të zhvendosur në Deir el-Balah, i cili ka vrarë të paktën nëntë persona, përcjell A2 CNN.
Të paktën katër persona janë vrarë gjithashtu nga një sulm ajror izraelit në një shtëpi në zonën as-Saftaëi pranë qytetit të Gazës në Gazën veriore.
Forcat izraelite kanë vazhduar rrethimin e Spitalit al-Awda në veri të Gazës, me tanke që qëllojnë mbi ndërtesat e spitalit, përfshirë departamentin e kirurgjisë së specializuar.
Reagimi ndërkombëtar po rritet pasi forcat izraelite qëlluan drejt diplomatëve të huaj që vizitonin kampin e refugjatëve në Jenin në Bregun Perëndimor të pushtuar, shkruan A2 CNN.
Ushtria izraelite ka lejuar rreth 90 kamionë me ndihma të hyjnë në Gaza, të parët që e bëjnë këtë në muaj të tërë, por zyrtarët e OKB-së e kanë quajtur dërgesën një “pikë uji në oqean” të asaj që nevojitet.
Zëdhënësi kryesor i Kombeve të Bashkuara tha se ndihma e kufizuar humanitare që “më në fund” po hyn në Gaza” nuk është aspak e mjaftueshme për të përmbushur nevojat” e popullsisë së uritur të enklavës së shkatërruar nga lufta.
Lufta e Izraelit në Gaza ka vrarë të paktën 53,655 palestinezë dhe ka plagosur 121,950, sipas Ministrisë së Shëndetësisë së Gazës. Zyra e Medias e Qeverisë e përditësoi numrin e të vdekurve në më shumë se 61,700, duke thënë se mijëra njerëz të zhdukur nën rrënoja supozohet të jenë të vdekur.
Rreth 1,139 persona u vranë në Izrael gjatë sulmeve të udhëhequra nga Hamasi më 7 tetor 2023, dhe më shumë se 200 të tjerë u morën robër./e.s
