Forcat e Armatosura vijojnë stërvitjen “Defender 25”, në të cilën marrin pjesë 8 vende të ndryshme, duke përfshirë vendet rajonale dhe SHBA-të.
Ndërkohë, sot u zhvillua një nga operacionet më të mëdha në brigjet e vendin tonë, për të cilën, ambasada e SHBA-së në Tiranë e cilëson stërvitjen vjetore më të madhe 25,000 trupa nga 29 vende aleate dhe partnere.
Në një postim në rrjetet sociale, teksa ka ndarë edhe pamjet, ambasada thekson se këto stërvitje janë thelbësore për të siguruar që Aleatët e NATO-s të mbeten të gatshëm për të përballuar sfidat e vërteta të sigurisë.
Postimi i ambasadës:
Sot, deti Adriatik u shndërrua në një skenë simulimi për të zhvilluar operacione detare si pjesë e #Defender25. Dy anije patrullimi nga Skuadroni i Sigurisë së Ekspeditës Detare të Marinës së ShBA shoqëruan anijet e Forcës Detare Shqiptare gjatë stërvitjes, e cila përfshiu forcat shqiptare që zbritën me litar dhe hipën në një anije të Forcës Detare. DEFENDER 25 është stërvitja vjetore më e madhe e Ushtrisë Amerikane në Europë, që bashkon 25,000 trupa nga 29 vende aleate dhe partnere për të rritur shpërndarjen e shpejtë dhe gatishmërinë për operacione të përbashkëta. Këto stërvitje janë thelbësore për të siguruar që Aleatët e NATO-s të mbeten të gatshëm për të përballuar sfidat e vërteta të sigurisë. m.p.
