Një balenë është shfaqur në ujërat pranë Karaburunit. Ka qenë arkitekti Artan Shkreli që ka ndarë në rrjete sociale një video të balenës në brigjet shqiptare.
Pamjet befasuese janë kapur nga një helikopter që po fluturonte mbi zonën bregdetare të Vlorës.
“BALENE … sot në drekë, në Mexo’kanal, pranë Karaburunit. Nga helikopteri mund t’i jepje dorë”, shkruan Shkreli krahas videos që ka ndarë.
Balenat janë “vizitorë” të rrallë në brigjet shqiptare dhe prania e tyre ngjall interes.
