Gjatë orëve të fundit, dy zjarre aksidentale kanë përfshirë sipërfaqe me pemë dhe tokë bujqësore në zonat e Divjakës dhe Lushnjes.
Policia njofton se ka arrestuar në flagrancë shtetasin T. H., 64 vjeç, si dhe ka nisur procedim penal në gjendje të lirë ndaj shtetasit L. Ç.
Të dy personat dyshohen si shkaktarë të zjarrvënieve aksidentale.
“Specialistët për Hetimin e Krimeve të Komisariatit të Policisë Divjakë arrestuan në flagrancë shtetasin T. H., 64 vjeç, banues në fshatin Karavasta, pasi dyshohet se ka ndezur zjarr për të djegur mbeturina dhe zjarri ka dalë jashtë kontrollit duke përfshirë një sipërfaqe toke dhe disa rrënjë ullinj të motrës së tij”.
“Specialistët për Hetimin e Krimeve të Komisariatit Lushnjë referuan materialet në Prokurori për procedim penal ndaj L. Ç., banues në Karbunarë e Madhe. Ai dyshohet se nëpërmjet zjarrit që ka ndezur në tokën e tij, për të djegur mbeturina, ka dëmtuar disa pemë frutorë”, njofton policia. m.p.
