Dy aksidente kanë ndodhur brenda pak minutash në Korçë. Mësohet se në fshatin Bitinckë, në hyrje të Bilishtit, janë përplasur dy automjete dhe për pasojë janë plagosur katër persona.
Të plagosurit identitetet e të cilëve ende nuk bëhen me dije janë dërguar në spital për të marrë ndihmë mjekësore ndërsa gjendja e tyre raportohet jashtë rrezikut për jetën.
Ndërsa një tjetër përplasje mes dy automjeteve është regjistruar në afërsi të fshatit Plasë ku makinat përfunduan në barrierat anësore.
Fatmirësisht nga ky aksident nuk pati persona të lënduar. Policia dhe grupi hetimor ndodhet në vendngjarje për të zbardhur shkaqet dhe rrethanat e aksidentit. m.p.
