Që prej qershorit vendi ynë është përfshirë nga i nxehti përvëlues, ku dita e sotme shënoi kulmin e saj me temperatura ekstreme.
Kështu në këto ditë të nxehta të verës Policia Bashkiake e Shkodrës ka shpërndarë shishe me ujë për të gjithë qytetarët.
“Një gjest sa human aq edhe sensibilizues për të gjithë. Efektivët e Policisë Bashkiake pranë banorëve të Shkodrës, duke u shpërndarë ujë për t’u bërë ballë temperaturave ekstreme. Mirënjohje për shembullin që përcjellin”, shkroi kryebashkiaku Benet Beci në rrjetet sociale.
Kujtojmë se në këto ditë të nxehta Ministria e Shëndetësisë ka bërë apel të gjithë qytetarëve që të shmangin daljet në orët e pikut, veçanërisht fëmijët dhe të moshuarit.
Mjekët u bëjnë thirrje gjithashtu qytetarëve të jenë të kujdesshëm, të qëndrojnë në mjedise të freskëta, të pinë sa më shumë ujë, të ushqehen shëndetshëm me fruta dhe perime, të vishen lehtë, të përdorin kapele, syze dielli apo kremra mbrojtës./e.t
