Një helikopter ushtarak i Ugandës u rrëzua dhe u përfshi nga flakët në aeroportin ndërkombëtar në kryeqytetin e Somalisë, duke vrarë pesë persona në bord.
Piloti, bashkëpiloti dhe inxhinieri i fluturimit mbijetuan me “lëndime serioze dhe djegie të rënda”, tha zëdhënësi i ushtrisë ugandase, gjeneralmajor Felix Kulaigye, duke shtuar se një hetim për shkakun e rrëzimit ishte duke u zhvilluar.
Agjencia shtetërore e lajmeve e Somalisë raportoi se zjarri u vu shpejt nën kontroll nga shërbimet e emergjencës në Aeroportin Ndërkombëtar Aden Adde.
Trupat ugandase janë pjesë e një force prej 11,000 trupash të Bashkimit Afrikan që ndihmojnë qeverinë somaleze të luftojë grupin al-Shabab të lidhur me al-Kaedën, i cili ka zhvilluar një kryengritje brutale në Somali për më shumë se dy dekada.
Helikopteri që u rrëzua ishte duke kryer një “mision rutinë shoqërimi luftarak”, tha Gjeneral Major Kulaigye, pa dhënë detaje të mëtejshme./e.t
