Opozita ka kundërshtuar kryeministrin Edi Rama, për mbylljen e Agjencisë Kombëtare të Ushqimit (AKU)
“Mbyllja e Agjencisë Kombëtare të Ushqimit (AKU) nga qeveria Rama përbën një grusht institucional dhe një goditje të rëndë ndaj sigurisë ushqimore në vend. Ky akt zhduk edhe formalizmin e kontrollit ushqimor, duke “legalizuar” kontrabandën, korrupsionin dhe kequshqyerjen e popullsisë shqiptare.
Kjo krijon një vakum të rrezikshëm, si në aspektin formal, ashtu edhe në atë praktik. Mbyllja e një institucioni të miratuar nga Kuvendi, veçanërisht në një periudhë dy mujore mungese të veprimtarisë së Kuvendit, është një veprim i papërgjegjshëm dhe i papranueshëm.
Qeveria Rama nuk ka dhënë asnjë shpjegim apo alternativë, duke lënë vendin pa asnjë kontroll ushqimor efektiv. Pavarësisht kritikave të ashpra që kam bërë ndaj AKU-së, kjo mbyllje është një veprim shkatërrues në të gjitha aspektet.
Vetëm një sulltan i pa përgjegjshëm, apo një drejtues i kontrolluar nga korrupsioni, mund të marrë një vendim të tillë, duke cenuar rëndë interesat dhe sigurinë e qytetarëve”, tha Tritan Shehu.
“Vandalizmi antishteteror i Rames asgjesoi AKU-në, siguria ushqimore ne mes te kater rrugeve!
Vandalizmi institucional rilindas pas 12 vjetesh ne pushtet e shpartalloi totalisht sigurine ushqimore te Shqiperise.
Korrupsioni, paaftesia, mbushja me patronazhiste dhe interesat e pista te bisneseve te lidhura me qeverine ja hengren koken AKU-se./kb
