Sindikata e Sektorit Hidrokarbur ka reaguar pas aksionit të policisë në kompaninë “Bankers Petroleum” për shmangien e taksave për 20 vite. Sindikata ka deklaruar se do të mbrojë të drejtat e punonjësve.
Kreu i Sindikatës së Naftëtarëve, Dritan Shahu, është shprehur se duan të garantojnë që vijueshmëria e kompanisë të mos prekë punonjësit.
Shehu kërkon transparencë nga institucionet përgjegjëse dhe drejtuesit e kompanisë.
“Kemi kërkuar një informacion nga kompania, jemi në pritje të përgjigjes.”-u shpreh Shahu.
Më tej ai theksoi se Bankers Petroleum nuk i ka paguar naftëtarët sipas kritereve të statusit, gjë për të cilën më herët janë zhvilluar edhe protesta prej tyre.
“Ka pasur diskutime për pagën, deklaruan pamundësi financiare. Gjykojmë që pagat e punonjësve duhet të jenë si sektorët e tjerë”, thotë Shahu.
Sakaq, Shahu u shpreh se janë të vendosur për garantimin e çdo angazhimi financiar dhe kontraktual ndaj punonjësve të kompanisë. m.p.
