Shqiptari nga Kosova, Bujar Fandaj, është dënuar me 40 vite burg nga Gjykata e Trevisos në Itali për vrasjen e ish-partneres së tij, 26-vjeçarja Vanessa Ballan, e cila në atë kohë ishte shtatzënë.
Ngjarja në fjalë ka ndodhur më 19 dhjetor 2023 në Riese Pio. Në sallën e gjyqit në momentin e shpalljes së vendimit, të pranishëm ka qenë dhe prindërit e viktimës, të cilët shpërthyen në lot pas dënimit të 40-vjeçarit. “Drejtësia është bërë, por ju jeni të mallkuar për jetë”, janë shprehur familjarët e 26-vjeçares në gjyq.
Si ndodhi ngjarja – Vanessa Ballan u gjet e pajetë në shtëpinë e saj më 19 dhjetor 2023 e masakruar me thikë. Ballan i kishte dhënë fund marrëdhënies së saj me Bujar Fandaj në verë të atij viti, ndarje e cila nuk është pranuar nga autori.
Ai ka hyrë me dhunë nga dritarja në shtëpinë e 36-vjeçares dhe më pas e ka goditur 8 herë me thikë. Në atë kohë Vanessa Ballan ishte shtatzënë me partnerin e saj të ri, ndërkohë që kishte dhe një fëmijë 5 vjeç.
40-vjeçari u largua nga vendi i ngjarjes teksa kishte planifikuar dhe arratisjen nga shteti ialian. Bujar Fandaj u arrestua më pas në banesën e tij nga policia italiane. Fillimisht ai rrëfeu të gjithë ngjarjen, ndërsa më vonë ai tentoi të mohonte se të gjithë ngjarjen e kishte kryer me paramendim. m.p.
