Ish-deputeti i Partisë Demokratike, Ervin Salianji, ka deklaruar këtë mbrëmje në emisionin “Çim Peka LIVE” se ka vuajtur një dënim prej nëntë muajsh në burgun e Fierit si pasojë e një dëshmie të rreme të shokut të Edi Ramës.
Salianji theksoi se denoncimi i tij nuk kishte pasoja negative ndërsa theksoi se drejtues të lartë të Policisë së Shtetit paguanin dëshmitarë të rremë për të dhënë dëshmi të rreme me qëllim burgosjen e tij.
“Pasojat e shoqërisë nga denoncimi im ishin pozitive. I dimë historitë sesi drejtues të lartë të Policisë së Shtetit paguanin dëshmitarë të rremë për të thënë dëshmi të rreme për të më burgosur mua.
Kam bërë burg me dëshminë e një shokut të Edi Ramës. Një ordiner që paguhet nga ordinerë të tjerë të Policisë së Shtetit për të më burgosur. Gjyqtarë e prokurorë janë funksionarë, ish-funksionarë ose njerëz të lidhur familjarisht me Partinë Socialiste.”-tha Salianji. m.p.
