FIFA ka vendosur një sanksion të ashpër federatën Serbe të Futbollit (FSS) pas fyerjeve raciste, gjesteve diskriminuese dhe sjelljeve të tjera të papërshtatshme nga tifozët gjatë ndeshjes kualifikuese të Kupës së Botës 2026 kundër Andorrës, e luajtur më 10 qershor në Serbi.
Siç është njoftuar zyrtarisht nga FSS, Komiteti Disiplinor i FIFA-s ka vendosur një gjobë prej 50,000 frangash zvicerane dhe mbylljen e 15% të tribunave pas portave (afërsisht 8,100 vende) për ndeshjen e ardhshme kualifikuese në shtëpi, të planifikuar për 9 shtator në Beograd, kundër Anglisë.
Federata Serbe shfrytëzoi rastin për të nisur një apel të ripërtërirë për lojë të ndershme dhe sjellje të duhur të tifozëve: “Ne jemi nën vëzhgim nga FIFA dhe UEFA. Ka zero tolerancë për sjellje të caktuara”, thuhet në deklaratën zyrtare.
Njoftimi për shtyp nxjerr në pah gjithashtu një shifër alarmante: midis viteve 2021 dhe 2025, FSS ka paguar mbi 703,000 euro në gjoba, një shifër e afërt me totalin e gjobave të akumuluara midis viteve 2006 dhe 2020.
Tani Serbia rrezikon sanksione edhe më të ashpra, duke përfshirë mundësinë e luajtjes së ndeshjes kundër Shqipërisë më 11 tetor pa praninë e publikut. m.p.
