Komisionerja e Bashkimit Europian Marta Kos i ka dërguar një letër të hapur deputetit të vetëm shqiptar në Parlamentin e Serbisë, Shaip Kamberi lidhur me trajtimin e minoriteteve shqiptare nga autoritetet serbe, kryesisht ata të ndodhur në Luginën e Preshevës.
Në letër, Kos thekson se: Në kuadër të kapitullit 23 të negociatave për anëtarësim, Serbia është e detyruar të zbatojë kuadrin e saj ligjor për të drejtat e personave që u përkasin pakicave në përputhje me standardet ndërkombëtare dhe evropiane.
Sakaq, një tjetër çështje kryesore është dhe ajo e pasivizmit të adresave, tematikë e prekur dhe nga komisionerja, e cila ka shkruar: Rreth çështjes specifike të ‘pasivizimit’ të adresave, ne kemi theksuar në raportin tonë të zgjerimit të vitit 2024 për Serbinë nevojën që autoritetet të shpjegojnë më mirë për publikun se si janë duke u kryer verifikimet e statusit të vendbanimit, dhe nëse jugu i Serbisë është veçanërisht i shënjestruar. M.P.
