Autoritetet spanjolle po vazhdojnë prej morësh kërkimet për dy pasagjerët e një avioni të lehtë me dy vende, i cili u rrëzua në det mbrëmjen e së shtunës pranë ishullit të Majorkës.
Ngjarja ka ndodhur rreth orës 20:00 në afërsi të farit të portit të Soller, në pjesën veriore të ishullit.
Avioni, i nisur nga aeroporti i Majorkës rreth dy orë më herët, ra në det vetëm 100 metra larg bregut. Ishte një dëshmitar që ndodhej në një varkë pranë vendit të ngjarjes, i cili njoftoi menjëherë autoritetet.
Sipas mediave lokale, bëhet fjalë për një avion akrobatik që po kryente manovra në ajër para rrëzimit. Ekipet e shpëtimit kanë arritur të rikuperojnë një pjesë të rrënojave, ndërsa kërkimet për dy personat në bord vazhdojnë në një zonë ku thellësia e ujit shkon deri në 30 metra. m.p.
