Dy ish-deputetët e Partisë Demokratike, Myslim Murrizi dhe Dash Sula përgjatë orëve të fundit janë duke shkëmbyer replika të njëpasnjëshme virtuale për mënyrën sesi gjatë këtyre viteve është menaxhuar forca politike në të cilën ata kanë bërë pjesë.
Ishte Murrizi ai i cili fillimisht akuzoi demokratët të cilët qëndronin të heshtur nëpër mbledhjet e partisë, ndërkohë që tani kritikojnë mënyrën se si e djathta po menaxhohet. Një kundërpërgjigje erdhi menjëherë nga Sula, i cili nuk e “kurseu” aspak ish-kolegun demokrat.
Ai theksoi se vazhdimisht ka pasur kritika për situatën në PD duke nisur që nga primaret e organizuara para zgjedhjeve dhe se ai për asnjë moment nuk është fshehur si “struci” për një mandat në Kuvendin e ardhshëm, duke ironizuar kështu Murrizin i cili në zgjedhjet e 11 Majit kandidoi sërish nën logon e të djathtë por nuk arriti të merrte mandatin.
Nuk ka vonuar shumë dhe replika nga Murrizi ka ardhur. Në postimin e tij në “Facebook”, ai ka njohur kontrubitin e Sulës dhe qëndrimet e mëparshme në PD që nga viti 2007, por ngre pikëpyetje mbi heshtjen e tij dhe të tjerëve brenda forumeve të kësaj force politike, veçanërisht pas vitit 2023 kur dhe ndodhi “bashkimi” mes “dy Partive Demokratike”, asaj të Berishës dhe asaj të Bashës.
Më tej Murrizi thotë se ai ka qenë i vetmi që ka kundërshtuar publikisht listat e mbyllura dhe në zgjedhjet e 11 Majit garoi pothuajse i pavarur, duke marrë mbi 7 mijë vota, edhe pse nuk u zgjodh për shkak të ndarjes së mandateve.
“Por une kam thene pse nuk keni folur brenda forumeve te PD nga viti 2021-2025 ose me sakte nga viti 2023 kur ndodhi “ bashkimi” mes atyre qe hengren dajak dhe atyre qe perdoren dajakun ndaj demokrateve???
Une kam qen dhe jam ne keshillin kombetar nga prilli 2022 dhe nga tetori 2023 si deputet duhet te ishit edhe Ju ne keshill kombetar kur erdhi Bardhi, Gjekmarkaj, Tabaku etj
Per kete heshtje e kam fjalen dhe per te qen i sinqerte ju kam perfshir edhe Ju ne statusin tim per te mos me paragjykuar keta te tjeret qe kane duartrokitur 2-3 vjet rresht ne çdo mbledhje duke heshtur dhe tani na dalin si “rrevolucionar”
Une kam qen i vetmi Dash qe kam deklaruar qysh ne korrik 2024 qe nuk pranoj kurre te jem pjese e listave te mbyllyra se e quaj turp te fshihem si qen nga vota e qytetareve”, shkruan Murrizi, teksa postimin e ka mbyllur me një ftesë për Dash Sulën që t’i bashkohet në mbledhje për të bashkuar zërat kundër hipokrizisë dhe duartrokitjeve boshe. m.p.
