Cristiano Ronaldo dhe Georgina Rodríguez janë zyrtarisht të fejuar! Pas një lidhjeje që ka zgjatur mbi 7 vite, superylli portugez i futbollit i ka bërë partneres së tij propozimin më romantik të jetës.
Lajmi u bë publik nga vetë Georgina përmes një postimi në Instagram, ku ndau një foto të unazës gjigante prej diamanti, shoqëruar me fjalët:
“Sí, quiero. En esta y en todas mis vidas” – “Po, në këtë dhe në të gjitha jetët e mia.”
Unaza e fejesës është një kryevepër bizhuterie: diamant oval i madhësisë 20–35 karatë, i shoqëruar nga dy gurë anësorë, me vlerë të vlerësuar nga ekspertët mes 2 dhe 5 milionë dollarë.
Ronaldo dhe Georgina e nisën historinë e tyre të dashurisë në vitin 2017 dhe prej atëherë kanë ndërtuar një familje të madhe me dy vajzat e tyre, Alana dhe Bella, si dhe tre fëmijët e tjerë të futbollistit nga lidhje të mëparshme.
Ky propozim vjen pas një romance të gjatë dhe të komentuar gjerësisht, e cila ka kaluar prova, lajme rozë dhe miliona pëlqime nga fansat në rrjetet sociale.
Fotoja e unazës ka pushtuar mediat botërore, duke bërë që fejesa e çiftit të kthehet në një nga lajmet më të klikuara të verës./E.T
