Shteti Terengganu në Malajzi ka miratuar një ligj të ri që parashikon ndëshkime të ashpra për burrat myslimanë që mungojnë në faljen e së premtes (xhumasë) pa arsye të justifikuar.
Sipas ligjit, mungesa edhe vetëm një herë mund të dënohet me deri në dy vjet burg dhe një gjobë deri në 700 dollarë amerikanë. Më parë, ndëshkimi zbatohej vetëm pas tri mungesash radhazi, me dënime më të lehta.
Ligji është miratuar nga Partia Islamike Pan-Malajziane, që qeveris Terengganu-n, dhe hyn në fuqi menjëherë. Një zyrtar lokal e cilësoi faljen e xhumasë si një detyrim fetar që forcon lidhjen e besimtarëve me Zotin.
Vendimi ka ngjallur kritika të forta nga organizatat për të drejtat e njeriut, të cilat e quajnë këtë masë një shkelje të lirisë së besimit. m.p.
