E ardhmja e Manchester United nën pronësinë e familjes Glazer ka hyrë në një fazë të re, pasi një klauzolë e rëndësishme në marrëveshjen me Sir Jim Ratcliffe është bërë aktive që nga 13 gushti.
Klauzola i jep Glazerëve të drejtën që, nëse i ofrojnë Ratcliffe 26 paundë për aksion, ta detyrojnë atë të shesë pjesën e tij prej 25% në klub pas 18 muajsh, duke i hapur rrugën një shitjeje të mundshme të plotë të klubit pa bllokime nga minoritari.
Megjithatë, një nga ofertuesit kryesorë të mëparshëm, konsorciumi i Katarit i udhëhequr nga Sheikh Jassim, nuk ka më interes për të rihyrë në garë për blerjen e klubit. Raportet sugjerojnë se dështimi i tij i mëparshëm mund të ketë qenë për shkak të pasigurisë rreth fondeve të disponueshme, duke lënë të hapur pyetjen se kush mund të jetë blerësi i ardhshëm nëse Glazerët vendosin të shesin. m.p.
