Policia italiane ka arrestuar një 19-vjeçar shqiptar, i cili u kap me dy pako kokainë gati për shitje. I riu u vu re teksa po lëvizte me një makinë të marrë me qira. Sjellja e tij nervoze ngjalli dyshime te oficerët, të cilët nisën hetime më të thelluara.
Gjatë kontrollit të automjetit u gjetën 3 gramë kokainë dhe 790 euro në kartëmonedha të vogla, të cilat besohet të jenë të ardhurat nga trafikimi i drogës.
Adoleshenti u dërgua në kazermat e Bastia Umbra dhe u mbajt në paraburgim në kompaninë e Assisit. Gjyqtari i Gjykatës së Perugias, pas vlerësimit të arrestimit, e la atë nën detyrim paraqitjeje.
Sipas mediave italiane, 19-vjeçari kishte hyrë në vend me një leje turistike tremujore, një praktikë që shpesh përdoret nga trafikantët e drogës dhe krerët e grupeve kriminale. m.p.
