Policia ka arritur që të identifikojë trupin e pajetë i cili u gjet një muaj më parë në fshatin Mollas.
Burime për mediat bëjnë me dije se autoritetet në Kolonjë kanë bërë të mundur zbardhjen e kësaj ngjarje dhe pas analizave shkencore u konfirmua dhe identiteti i 75-vjeçarit.
Islam Fixha u gjet i pajetë më 7 korrik në fshatin Mollas. Ai banonte në qytetin e Korçës dhe ka qenë bashkëshortja e tij, ajo e cila e denoncoi atë në komisariatin e qytetit kishte humbur kontaktet me të.
75-vjeçari dyshohet se vuante nga probleme të shëndetit, konkretisht nga humbja e kujtesës (skleroza) dhe ka ndërruar jetë për shkaqe natyrale në fshatin Mollas të Kolonjës.
Nga ana e policisë së Kolonjës, vijon puna për dokumentimin e plotë të ngjarjes. m.p.
