Eric Trump, djali i presidentit të Shteteve të Bashkuara, Donald Trump ka thënë se nuk e përjashton mundësinë e kandidimit për president të vendit në të ardhmen.
Edhe pse jo me një përgjigje fort të qartë, Eric deklaroi për gazetën japoneze Nikkei Asia: “Nuk po them jo, por nuk po them as po”.
Përgjigja e tij erdhi pasi u pyet nëse do të merrte në konsideratë kandidimin për president kur babai i tij të mos jetë më në krye të vendit.
Sipas të njëjtës media, Trump theksoi se, megjithëse nuk e përjashton mundësinë e një kandidimi politik, aktualisht mbetet i përqendruar në aktivitetin e tij në sektorin e kriptomonedhave. Siç theksoi, atij i pëlqen veçanërisht bota e tregtisë, në të cilën ka punuar vitet e fundit. m.p.
