Vetëm dy ditë nga një krim i rëndë që ndodhi në një familje në Paskuqan, është një tjetër kërcenim serioz në Lezhë. Por policia ka ndërhyrë në kohën e duhur duke e sjellë në pranga agresorin që i bie të jetë kryefamiljari.
Sipas të dhënave Policia e Lezhës ka vënë në pranga një 50-vjeçar, banues në Pllanë, me akuzën për dhunë në familje.
Sipas policisë, shtetasi Z. K në mënyrë sistematike ushtronte dhunë fizike dhe psikologjike ndaj bashkëshortes së tij duke e kërcënuar se do ta vriste me armë zjarri.
Mbrëmjen e djeshme ajo kishte njoftuar Policinë, e cila ndërhyri për arrestimin.
Gjatë kontrollit në banesë ju gjetën dhe sekuestruan një armë zjarri kallashnikov me krehër me 10 fishekë, një kuti metalike me 750 copë fishekësh luftarak dhe 10 m fitil zjarr-përcjellës.
Materialet i kaluan Prokurorisë së Rrethit Gjyqësor Lezhë në ngarkim të shtetasit të lartpërmendur për veprat penale “Dhunë në familje” dhe “Armëmbajtje pa leje”. /Fjala.al/
