Një çift i sapomartuar ishte në mes të një photoshoot-i të dasmës kur një shpërthim masiv ndodhi në portin e Beirutit.
Në një postim në Facebook, fotografi i dasmës, Ibrahim Kitmitt ndau pamjet e momentit të gëzueshëm që shpejt u shndërrua në kaos.
Videoja tregon nusen dhe dhëndrin duke pozuar me gëzim jashtë një restoranti rreth 1.6 kilometra larg nga porti.
Fotografi ndau pamjet në momentin e shpërthimit. Rruga u mbush me një re tymi dhe dritaret në çdo ndërtesë afër shpërthyen.
Shpërthimi u raportua si pasojë e 2.750 tonëve nitrat amoniumi, një kimikat mjaft eksploziv që u ndez nga zjarri. Ka.Li/fjala.al
