Policia e Elbasanit ka dhënë detaje të tjera shtesë në lidhje me atentatin e ndodhur orëve të para të ditës së sotme. Sipas të dhënave mësohet se i riu ka ra pre e një atentati të mirëfilltë. Kanë qenë tre persona me një mjet, me maska dhe të armatosur, po për fatin e tij vetëm njëri ka qëlluar mbi shënjestrën.
Sipas të dhënave që vet i plagosuri ka treguar në polici, duket se pasi është qëlluar dy herë mbi të, arma është bllokuar e për pasojë nuk ka mundur të qëllojë më. Burimet kanë sqaruar se i riu pretendon që nuk ka asnjë problem, ndonëse policia e Elbasanit po heton pistën e konflikteve personale dhe familjare. Mësohet se K. P., është nipi i një të dënuari për trafik droge.
Madje bëhet me dije se është për trafik kokaine, çka rrit dyshimet për një akt të mirëfilltë ekzekutimi. Djali ka treguar se ka qenë duke ecur me një mjet ‘Range Rover’, që është në pronësi të tij. Ai ka dhënë disa detaje por policia po heton pistën e trafiqeve, prishjes së pazareve dhe ndonjë konflikt të mbartur meqë i riu është edhe pronar i një palestre në qytetin e Elbasanit. /Fjala.al/
