Sëmundja me Covid-19 dhe ngjyra e lëkurës së kryebashkiakut Veliaj u kthye dhe një herë për opinionin publik. Në emisionin HARD TALK NGA ROLAND QAFOKU Veliaj tha:
Po nuk e di se këtu në zyrë është edhe drita kështu. Një intervistë e kasha në dritë të diellit në tarracë. Kur nuk ke një alternativë, kapesh me çdo lloj gjëje. Ajo që shoh është se kemi përballë njerëz pa alternativë. Tani unë jam duke folur për shkollat e reja që po bëjmë. Nëse ke qenë në këtë karrige për katër vite dhe s’ke bërë asnjë shkollë atëherë sigurisht që do merresh me pigmentin e ngjyrës së lëkurës sime.
-Sa shkolla janë ndërtuar në Tiranë?
-Ne bëmë shkollën Betim Muço, bëmë shkollën Hoxha Tahsim, bëmë shkollën Kosova. Flas vetëm për të reja. Bëmë nga e para shkollën Servete Maçi. Bëmë nga e para shkollën Siri Kodra.
Bëmë shkollën Ardian Klosi te Bregu i Lumit dhe Betim Muçon që i mbaruam. Po bëjmë shkollën Vaçe Zela dhe Kristo Frashëri te Don Bosko. Po bëjmë shkollën Cennedy dhe shkollën Nënë Tereza te Instituti Bujqësor. Me tërmetin mbarojmë edhe 11 shkolla që i bëjmë nga e para. Shkolla e Lalmit u rrëzua u bë nga e para sepse nuk ja vlente të ndërtonim në ato themele. Në këtë rast i bëjmë dhe një shtesë për parashkollor ose gjimnaz, në varësi të terrenit dhe nevojës që kemi. Kështu që unë do ta mbyll këtë mandat me 33 shkolla. Nëse ai që ishte para meje nuk bëri asnjë shkollë, sigurisht që do merret me ngjyrën time të lëkurës. Më duket patetike që vazhdon që kur ka dalë shprehja “Mos i shiko gunën por shikoji punën” , që merren me ngjyrën e parakrahut. Nëse kjo është alternative e tyre dhe kjo iu sjell vota, kur thonë tironsit “Hallal ua bëftë Zoti”, por unë besoj që në finale njerëzit thonë “ Më trego ça pune bëje kur ishe ti në vend të këtij kryetarit që është tani.” Dhe në mungesë të atij bilanci këto historitë iku në Turqi, iku në Dubai, jo po u nxi, jo po u zbardh më duken një humbje spektakolare kohe.
