Ditën e djeshme, Ron Jeremy, ylli i filmave porno është paditur ditën e djeshme me 20 akuza të reja për përdhunim dhe sulm seksual ndaj 12 grave dhe një adoleshenteje 15-vjeçare. Lajmin e ka bërë të ditur prokuroria e Los Angeles në SHBA.
Sipas mediave, akuzat vijnë dy muaj pasi 67-vjeçari u akuzua për përdhunimin e tri grave dhe sulm seksual ndaj një të katërte. Me akuzat e reja ka shkuar në 17 numri total i viktimave të tij, nga mosha 15 deri në 54 vjeç, përgjatë një periudhe 16-vjeçare.
Por nëse ai dënohet për krimet që ka bërë, rrezikon 250 vite burg, e nga ana tjetër Jeremy ka mohuar të gjithë akuzat që rëndojnë mbi të.
Jeremy është emri më i njohur në pornografi, pasi ai ka qenë protagonist në mbi 1.700 filma përgjatë karrierës së tij 40-vjeçare. Avokati i tij ka thënë se klienti i tij ‘ka qenë dashnor i mbi 4 mijë femrave’ dhe se ‘femrat i hidheshin vetë sipër’.
Mediat ndërkombëtare kanë shkruar shumë për të, por në vitin 2017, revista Rolling Stone raportoi se dhjetëra femra e kanë akuzuar atë për dhunë seksuale. Por ai ka deklaruar për revistën se nuk ka përdhunuar dhe nuk do përdhunojë kurrë një femër. Ka.Li/fjala.al
