Meta nga Vlora: Kur populli merr në dorë fatet e veta, ato janë të sigurta

113 563 lexime

124,178FansaPëlqeje

Presidenti Ilir Meta mori pjesë në ceremoninë solemne tek ‘’Sheshi i Flamurit’’ në qytetin bregdetar, ku i përkujtua 100- vjetori i Luftës së Vlorës.

Në prani të kryeministrit Rama, kryeparlamentarit Ruçi dhe ministrave të qeverisë, Meta tha se Lufta e Vlorës shënoi fitore historike dhe më në fund Shqipëria u bë.

Por ndër të tjera ai theksoi se Lufta e Vlorës, pikërisht 100 vite më parë dëshmoi se Shqipëria ka zot, ai është populli dhe kur populli merr në dorë fatet e veta ato janë të sigurta.

Pikërisht frazën e fundit, Meta e ka përdorur edhe gjatë përplasjeve politike me kryeministrin dhe qeverinë, gjatë kohëve të fundit.

FJALA E PRESIDENTIT ILIR META

Të dashur motra dhe vëllezër vlonjatë. Lufta e Vlorës 1920, ishte lufta më e vërtetë e Shqipërisë. Që garantoi pavarësinë e Ismail Qemalit. Ishte lufta kombëtare për territorin, autoritetin, dhe ndalimin e planeve anti- shqiptare. Që vinin në pikëpyetje Shqipërinë.

Shpërtheu në një moment kyç, kur ushtritë zbarkuan në Shqipëri duke shkelur me këmbë. Thirrja e Ëilson, për t’iu dhënë fund traktateve të fshehta, ngjallën shpresa tek shqiptarët. Por çështja e Shqipërisë ishte e nënçmuar.

Vendin e ushtrive, e zunë projektet e copëtimit. Nuk u pranuan nga kapedanët e çetave, dhe populli u ngrit në këmbë për të luftuar. Vlora mori në duar fatet e veta. Dhe jo vetëm. Vlora, Mallakastra, Tepelena, Korça, Shkodra e Malësia me gjithë Shqipërinë.

Shqiptarët kanë luftuar shumë për të drejtat e tyre, por edhe për popujt e tjerë. Bën dallim thelbësor, se ishte fitimtare. 100 vjet më parë, qeveria e Kongresit të Lushnjes fitoi autoritet. Ishte fitore historike. Më në fund Shqipëria u bë në mënyrë të pakthyeshme. Krijoi modelin e kundërshtimit të sundimeve të huaja. I dha fund projekteve për shpërbërjen e Shqipërisë.

Dëshmoi se ky vend ka zot, dhe zoti është vetë populli. Model i disiplinuar, atdhetar, dhe njohje të rreptë të ligjeve ndërkombëtarë. Vlora ia ka ngritur kryet Shqipërisë në momentet më të vështira.

Sot nderojmë Vlorën, komandantët, gjyqtarët, ata që hartuan ultimatumin, dhe ata që e zbatuan me gjak. Kujtojmë dhe vlerësojmë Diasporën në Amerikë, që pati rëndësi shpëtimtare. Atdhetari i madh, Fan Noli bindi Ëilsonin që Amerika të jetë pranë Shqipërisë, dhe ajo nuk do shpërbëhet.

Kur populli merr në dorë fatet e veta, ato janë të sigurta. Burim frymëzimi dhe vetbesimi për popullin shqiptar. Mos harrojmë se 22 vite më pas, jo larg nga këtu katër djem të rinj vlonjatë bënë një histori të jashtëzakonshme, katër 20- vjeçarë kundër 400 fashistëve. Ranë heroikisht pikërisht sepse ishin të mbrojtur me krenarinë që Lufta e Vlorës u dha shqiptarëve.

Ashtu sikurse Perlat Rexhepi me 2 shokë të tjerë, do të shkruanin një nga epopetë më të mëdhaja të luftës, atë të Shkodrës. Simbol i qëndresës, duke i treguar botës se ky vend ka zot, dhe zoti është populli. Nderim dhe mirënjohje të thellë për kapedanët dhe trimat, që na kanë lënë mesazhin e qartë, dhe do jetë gjithmonë, se në vendin e shqiponjave lindin vetëm shqiponja që e mbrojnë gjithmonë atdheun. Çdo 3 shtator, dhe ço 29 nëntor çdo shqiptar ndihet i lirë. Këtu u ngrit flamuri, këtu u rrit liria, këtu ndodhi pavarësia.

Të fundit

Real Madrid pranon shitjen e Rodrygo, por çmimi që kërkon…

Rodrygo pritet të largohet nga Real Madrid në verën e vitit 2025. Gazeta "Sport" shkruan se Florentino Perez do...

Parkimet dysh të çojnë pas hekurave? Kujdes! Ka një diferencë

Dënimi deri në 3 vite burg për drejtuesit e mjeteve që parkojë dysh në rrugë duke bllokuar qarkullimin rrugor, për ekspertët është një vendim...

Bulmet “pa letra” në dyqane! Tregtarët: I besojmë fjalës së fshatarit

Këtë të hënë ka nisur aksioni për sekuestrimin e prodhimeve të bulmetit pa faturë tatimore në treg. Kjo nismë është ndërmarr nga qeveria për...

I riu kërcënoi me armë një person në Dobraç, arrestohet nga policia

Një konflikt ka ndodhur ditën e sotme në zonën e Dobraçit në Shkodër. Burime bëjnë me dije se një i ri ka kërcënuar me armë...

“Jaws” mbush 50 vjeç – një dokumentar rrëfen historinë pas kulisave

nga Lucia Magi/ Los Angeles Një regjisor i ri, një ide e çuditshme për një “balenë të madhe”, një peshkaqen mekanik që nuk funksiononte, qindra...

Lajme të tjera

Web TV