Ish-ministrja për dialog, Edita Tahiri ka përshëndetur marrëveshjen e arritur sonte në Shtëpinë e Bardhë mes Kosovës dhe Serbisë, me ndërmjetësimin e amerikanëve dhe të vetë presidentit Trump.
Përmes një komenti në Facebook, Tahiri thekson se kjo marrëveshje ka një peshë të madhe për paqen dhe prosperitetin në rajon dhe në dyja vendet
Sipas saj, është hedhur një hap përpara drejt njohjes reciproke ne kufijtë aktual.
“E përshëndes marrëveshjen e arritur sonte ne Shtëpinë e Bardh me ndërmjetësimin amerikan dhe të vet Presidentit Trump.
Kjo marrëveshje për normalizimin ekonomik të marrëdhënieve mes dy shteteve Kosovës dhe Serbisë ka peshë të madhe për paqen dhe prosperitetin në rajon dhe në dyja vendet. Ajo është një hap përpara drejt njohjes reciproke ne kufijte aktual.
Më shumë se kaq, njohja e Kosovës nga Izraeli si pjesë e kësaj marrëveshje i jep asaj një rëndësi të veçantë gjeopolike sepse Izraeli është një vend perëndimor dhe një fuqi e madhe botërore.
Amerika dëshmoi edhe njëherë aleancën e fuqishme me Kosovën dhe popullin e sajë. Mirënjohje dhe falënderime për SHBA-ne dhe popullin amerikanë për mbështetje në të gjitha fazat e lirisë dhe pavarësisë së Kosovës tash 30 vjetë”, ka shkruar Tahiri në Facebook.
