Kukësi i afrohet më shumë objektivit që ka, atë të kampionit të dimrit. Skuadra e drejtuar nga Shpëtim Duro mundi në transfertë 2-1 Vllazninë, duke vijuar serinë pozitive të javëve të fundit. Kjo ishte fitorja e tretë radhazi për formacionin verlindor që forcon më tej pozitat në vendin e parë të renditjes.
Kuksianët kanë shënuar që në minutën e 8-të. Roca i shpëtoi mbulimit të mbrojtjes dhe me një diagonale të saktë ndali topin në rrjetë. Minutat e mbetura të pjesës së parë nuk sollën ndryshim të madh në lojë. Shkodranët dështuan të barazonin shifrat, ndërsa miqtë nuk arritën të gjejnë golin e qetësisë. Ai do të vinte shpejt me rikthimin në fushë pas pushimit.
Në minutën e 51-të Roca asiston Shkuraj-n që i cili nuk gabon për të dyfishuar rezultatin. Kukësi ia vështirëson punën vetes, kur në minutën e 74-rt i lejoi Vllaznisë të rihapë sfidën me golin e Krymit.
Por vetëm kaq, pasi shpresat e shkodranëve për pikë u shuan me vërshëllimën e fundit që zyrtarizoi triumfin e Kukësit që merr edhe dhurata nga rivalët direktë, duke u shkëputur më shumë në vendin e parë të renditjes.
