Nga Shkodra ku ndodhej për vizitë, Kryeministri Edi Rama ka folur edhe për gjobën e Gjykatës Ndërkombëtare të Arbitrazhit prej 44 milionë eurosh për rrugën Tiranë-Elbasan.
Sipas Ramës, qeveria duhet t’ia paguajë këtë gjobë kompanisë greke “Aktor”, për fajin e qeverisë së kaluar të PD dhe LSI-së e cila kishte Ministrinë e Infrastrukturës.
“Tendera po kanë bërë ata, i kanë bërë për faqen më të zezë të shtetit shqiptar, i kanë bërë të tilla me projekte që iu shtohen kostot rrugës, kanë bërë historitë tek Tiranë- Elbasan që kthehen në kosto për shtetin shqiptar, se sheh rrushi rrushin e piqet, edhe u bashkua rrushi blu me rrushin e kuq edhe doli një lloj rrushi që e bëri lëng buxhetin e shtetit”, tha Rama.
Pa.Va/ Fjala.al
