Pas ikjes së ministres Besa Shahini dhe ministrit Lleshaj që paralajmëroi largimin në fund të mandatit, në Partinë Socialiste po përflitet edhe për ndryshime të tjera në qeveri.
Për këtë foli edhe Ministrja e Shtetit për Marrëdhënien me Parlamentin Elisa Spiropali. E ftuar në Report Tv, ajo tha se qeveria nuk e ka mendjen të rrijë nëpër mbledhjeje për ndryshimet e ministrave, por sipas saj ajo vazhdon punën.
“Nuk mund të shti në fall dhe nuk mund të rrimë të presim a do ketë ndryshime apo jo. Më shumë i diskutoni ju në media këto ndryshime. Por qeveria vazhdon punën. Nuk e kemi mendjen të rrimë nëpër mbledhje dhe të bëjmë llogarinë e ministrave që ikin e vijnë. Në rast se do ketë mirë po edhe në rast se s’do ketë prapë mirë”, theksoi Spiropali.
Pa.Va/Fjala.al
