Gjykata e Kurbinit ka ndërprerë përkohësisht gjykimet e çështjeve, duke marrë në konsideratë vetëm ato që janë më urgjente.
Ky vendim është marrë pasi tre gjyqtrë të Gjykatës së Kurbinit kanë rezultuar positive nga COVID-19.
Pas identifikimit të rasteve pozitive me koronavirus prej 1 jave janë karantinuar edhe i gjithë personeli, përfshirë edhe prokurorinë të cilët ndodheshin në të njëjtat ambiente.
Pjesa me e madhe e punonjësve kanë rezultuar negative ndaj Covid-19 dhe së shpejti do ti rikthehen punës, ndërsa pjesa tjetër është ende në përgjigje të tamponit.
Për të shmangur kaosin dhe për të mos ndërprerë gjykimin e çështjeve Këshilli i Lartë Gjyqësor ka miratuar një listë të gjyqtarëve nga Tirana të cilët do të merren kryesisht me çështjet që kërkojnë urgjencë në trajtimin dhe gjykimin e tyre.
Janë caktuar 9 gjyqtarë të cilët do të marrin në shqyrtim çështjet.
Konkretisht bëhet fjalë për: Shefkie Demiraj, Bedri Qori, Ardian Kalia, Besnik Hoxha, Artan Hajredinaj, Albert Mece, Elisabeta Gjoni, Gert Hoxha dhe Sokol Pasho.
Burime nga Njësia e Kujdesit Shëndetësor në Kurbin kanë bërë me dije se vatra e infeksionit në gjykatë është izoluar dhe se tre personat e infektuar po trajtohen në kushte shtëpie, pasi nuk kanë simptoma të rënda të sëmundjes./Ra.My,Fjala.al/
