Dinamo e volejbollit të femrave është historia legjendë e sportit shqiptar. Një grup vajzash nën drejtimin e trajnerit Kreshnik Tartari u bën krenaria më e madhe e kombit për lojën e tyre. Për 20 vjet ato e morën prej dore sportin e volejbollit duke u bërë të padiskutueshme në Shqipëri me fitimin e 20 kampionateve. Por jo vetëm kaq. Dinamo e femrave është ekipi më i suksesshëm në arenën ndërkombëtare.
Disa herë ky ekip ka qenë pjesë e finaleve të kupës së volejbollit në Evropë që është ekuivalent me Champion League sot në futboll duke zënë dy herë vendin e tretë në kontinent. Në kohët tona, kjo arritje nuk është as as pjesë e imagjinatës. Sot po publikojmë një fotografi historike të sjellë nga trajneri legjendë i këtij ekipi Kreshnik Tartari. Ai ka bër publike në profilin e tij në facebook fotografinë e realizaur në vitin 1974, viti i parë që Dinamo fitoi kampionatin dhe që më tej do pasohej me shumë të tjerë. Tartariu shkruan që këtë fotografi që publikohet për herë të parë e ka siguruar Mimosa Ibrahimi, pasuesja legjendë e këtij ekipi.
Tartari ka vendosur edhe diçiturën e fotografisë me të gjithë emrat e volejbollisteve. Lart-majtas: Donika Muka (kapitene), Brikena Çabej, Fiqrete Gramshi, Kreshnik Tartari (Traneri), Valentina Dashi, Semiha Sulejmani, Fatmira Dreni. Poshtë-majtas: Margarita Çela, Zana Bekteshi, Liza Gjinaj, Fatime Ibrahimi, Eva Kavaja. Komentet më pas janë edhe më interesante. Brikena Çabej, vajza e gjuhtarit të shquar Eqrem Çabej dhe një botuese e njohur sot zbulon për brezin e ri se në foto është edhe jo. Madje, që fotoja ëhstë shkrepur pas një humbje në Berat me Tomorrin. “Kjo duket nga fytyrat e vrerosura të gjithë vajzave”, shkruan Çabej. /Ra.My.Fjala.al/
