Policia e Krujës ka arrestuar një 47-vjeçar për llogari të autoriteteve italiane dhe me qëllim ekstradimin në Itali.
Agim (Artur) Likaj, 47 vjeç është arrestuar nga policia në bashkëpunim me Interpolin, pasi ishte shpallur në kërkim ndërkombëtar.
Në datë 10.09.2020 Gjykata e Milanos ka dënuar me 10 vite burg 47-vjeçarin për pjesëmarrje në organizatë kriminale për trafik droge.
Ai fshihej në Krujë teksa Policia shqiptare e ka gjetur, e ka arrestuar dhe tashmë do e ekstradojë në Itali.
NJOFTIMI NGA POLICIA
Krujë
Falë bashkëpunimit mes Interpol Tirana dhe Policisë së Krujës lokalizohet, kapet dhe arrestohet një shtetas shqiptar i dënuar me 10 vjet burg, me qëllim ekstradimi drejt Italisë.
Shërbimet e Komisariatit të Policisë Krujë, pas informacioneve të marra nga Departamenti i Policisë Kriminale dhe Interpol Tirana për një shtetas të shpallur në kërkim ndërkombëtar që fshihej në Krujë, kanë organizuar punën për kapjen e tij.
Si rezultat, shërbimet e Policisë Krujë, bazuar dhe në informacionet e marra në rrugë operative për vendndodhjen e shtetasit të kërkuar, bënë të mundur kapjen dhe arrestimin, me qëllim ekstradimi drejt Italisë, të shtetasit shqiptar të shpallur në kërkim ndërkombëtar:
Agim (Artur) Likaj, 47 vjeç, banues në fshatin Arrameras, Fushë Krujë.
Ky shtetas ishte i shpallur në kërkim ndërkombëtar nga autoritetet italiane, pasi Gjykata e Milanos, Itali, më datë 10.09.2020, e ka dënuar me 10 vjet burgim, për veprën penale “Pjesëmarrja në organizatë kriminale për trafikimin e narkotikëve”, parashikuar nga Kodi Penal italian.
Materialet hetimore i kaluan Prokurorisë Pranë Gjykatës së Shkallës së Parë Durrës, për veprime të mëtejshme. /Ra.My.Fjala.al/
