Ditën e djeshme Partizani largoi një tjetër lojtar duke bërë lëvizjen e radhës në merkato. Një ditë para sfidës me Skënderbeu nga klubi i Partizanit është larguar sulmuesi Jozaf Ekuban, i cili u huazua nga Verona.
Ky lajm është bërë publik nga një postim i klubit në faqen zyrtare, ku thuhet se 20-vjeçari nuk arriti të ndiqte suksesin e vëllait Kaleb Ekuban te skuadra e të kuqve.
Këto rezultate bënë që dhe Verona të binte dakord për kthimin mbrapa të lojtarit për t’i gjetur mundësi të re aktivizimi. Duket se Ekuban nuk është i vetmi largim i planifikuar nga “Demat”, duket se tashmë i rrezikuar është edhe titullari Deian Boldor, i cili po ashtu erdhi si huazim nga Verona. Boldor ka qenë titullar në plot 14 ndeshje të kampionëve të Shqipërisë,por edhe ai mundtë largohet sërish në Itali. Duket se dëshira e mbrojtësit për t’u kthyer në Itali ka bërë që Verona ta tërheqë atë sërish.
Ndërkohë, ai nuk mund të marrë pjesë në katër ndeshjet e ardhshme të Partizanit, pasi është i pezulluar nga Disiplina./Fjala.al/
