Pronarja e një librarie në Argjentinë, Eugenia Franco, ndërroi jetë para një muaji për shkak të një arresti kardiak.
Mirëpo i vetmi që akoma nuk e ka kuptuar këtë gjë është qeni që qëndronte gjithmonë pranë biznesit të të ndjerës.
Që atëherë, qeni vazhdon të presë të ndjerën para biznesit të saj. Fqinjët thonë se çdo mëngjes Eugenia dhe Bianca (emri i qenit) ecnin disa blloqe së bashku, por ditën e vdekjes së saj, ata panë vetëm qenin ulur, si në roje pranë derës së biznesit.
Një fqinj i së ndjerës, tha për mediat lokale se Eugenia është kujdesur për kafshën gjithmonë. Për fat të mirë, Bianca tashmë ka një familje që kujdeset për të. Qeni ende vazhdon të shkojë çdo mëngjes në librari, që sot drejtohet nga nipërit dhe mbesat e së ndjerës.
Kjo është një histori shumë e ngjashme me filmin ‘Hachiko’ që kishte si personazh kryesor një qen që priti për vite me radhë në hyrje të terminalit të stacionit të trenit pronarin e tij të ndjerë. Ka.Li/fjala.al
