Aksident i rëndë rrugor është regjistruar në Gjermani me pasojë tre persona të vdekur dhe një grua në gjendje gjendje të rëndë.
Ngjarja ka ndodhur në autostradën federale 31, midis lokaliteteve Uhldingen-Mühlhofen dhe Meersburg, mbrëmjen e kaluar ku u përfshinë një automjet tip “Audi” dhe një kamion.
Për pasojë, kanë humbur jetën tre persona, anëtarë të një familjeje, që gjendeshin në mjetin tip Audi.
Mësohet se bëhet fjalë për një familje nga fshati Rahovicë e Ferizajt. Viktimat po ktheheshin në Zvicër nga pushimet që i kishin kaluar në Kosovë. Aksidenti ka ndodhur në Gjermani, rreth 50 kilometra para hyrjes në territorin e Zvicrës.
Sipas hetimeve të para policore, makina ka rrëshqitur dhe është përplasur ballë për ballë me kamionin që po afrohej.
Tre persona janë bllokuar në automjetin e aksidentit dhe është dashur të lirohen nga grupi i zjarrfikësve, e cila ka përdorur pajisjet hidraulike të shpëtimit.
Një djalë 12 vjeç dhe një burrë 35 vjeçar kanë vdekur në vendin e aksidentit nga plagët e rënda të pësuara, shkruan ‘albinfo’.
Personi i tretë, pasagjeri 18 vjeçar ka vdekur pak më vonë në spitalin në të cilin ishte dërguar me helikopter shpëtimi.
Gruaja e 35 vjeçarit, është në gjendje kome. Një vajzë 11-vjeçare dhe shoferi i makinës Audi kanë pësuar lëndime të rënda.
Drejtuesi i kamionit është lënduar lehtë. Rruga federale është mbyllur për orë të tëra gjatë punës së shpëtimit dhe hetimeve rreth aksidentit./Bl.Ba/Fjala.al
