KLSH: Peshkimi rrezikon të mbyllet

113 563 lexime

124,178FansaPëlqeje

Mungesa e kuadrit ligjor rrezikon sektorin e peshkimit. Ky është përfundimi i Kontrollit të Lartë të Shtetit pas një auditimi të kryer në harkun kohor të tre viteve për këtë sektor. Në këtë auditim u analizua performanca e strukturave përgjegjëse lidhur me zbatimin e politikave dhe legjislacionit për peshkimin dhe akuakulturën, niveli i përmbushjes së Objektivave Specifike të Zhvillimit të vendosura në Strategjinë Kombëtare të Peshkimit 2016-2021, si dhe procesi i monitorimit-kontrollit-vëzhgimit-inspektimit të aktivitetit të peshkimit dhe akuakulturës.

Sipas raportit të KLSH-së, problematikat më të mëdha janë në mungesën e një kuadri ligjor të plotë, teksa ai aktual ka dështuar për të mbuluar të gjithë aktivitetin e peshkimit dhe akuakulturës, ndër të cilat nënvizon mosmiratimin e Zonave të Përcaktuara për Akuakulturë, e cila ka penguar zhvillimin e këtij sektori.

Një ndër problematikat më të mëdha të evidentuara nga KLSH, është kryerja e aktivitetit nga Anijet e peshkimit pa qenë të pajisura me pajisjen përkatëse të identifikimit dhe lokalizimit automatik kjo në kundërshtim me Ligjin nr. 64/2012 “Për peshkimin”, i ndryshuar. Si rezultat është e pamundur të kryhet vëzhgimi i aktivitetit të anijeve të peshkimit, identifikimi dhe lokalizimi i tyre automatik pasi ato nuk mund të transmetojnë automatikisht të dhënat mbi identifikimin, datën dhe orën e pozicionit, shpejtësinë dhe kursin e anijes, të dhënat mbi të gjitha sasitë për secilin lloj të zënë dhe të mbajtur në bord, etj. Mungesa e sistemit të sinjalizimit satelitor rrezikon të mbyllë eksportet e peshkut për Shqipërinë, duke e klasifikuar aktivitetin e peshkimit si të paligjshëm, pa regjistruar dhe parregulluar.

Gjithashtu, KLSH nënvizon se, portet e peshkimit të vendit tonë menaxhohen në mënyrë jo efektive dhe kanë probleme të dukshme në infrastrukturë.

Lexo edhe :  Paralajmërimi i Trump për Rusinë, rriten çmimet e naftës në tregjet evropiane

“Asnjë nga katër portet e peshkimit nuk ka kapacitet e duhura ankoruese për të gjithë flotën e peshkimit. Këto hapësira zvogëlohen edhe më shumë duke marrë parasysh anijet e zhytyra (portet e peshkimit Vlorë dhe Shëngjin), zënien e hapësirave të ankorimit nga mjetet private turistike (porti i peshkimit VLorë) apo mungesën e bankinave ankoruese. Asnjë nga katër portet e peshkimit nuk ka kantier për riparimin e anijeve të peshkimit (as në portin e ri të peshkimit Durrës i bërë funksional në janar të vitit 2019). Peshkatarët duhet të gjejnë në mënyrë individuale mundësitë e riparimit dhe kjo përbën një problem madhor për zotëruesit e mjeteve të peshkimit duke pasur parasysh moshën e vjetër që ka flota jonë e peshkimit (mosha e flotës 40 vjeçare krahasuar me mesataren e BE-së prej 21 vjeçare) dhe kostot që ka për peshkatarët riparimi i tyre. Të gjitha portet e peshkimit kanë probleme në furnizimin me ujë dhe energji elektrike. Në portin e peshkimit Vlorë një pjesë e konsiderueshme e hapësirave është e zënë me mjetet e sekuestruara nga Policia Rrugore. “-thuhet në raportin e auditimit.

Si përfundim, masat e marra nga MBZHR në vitet 2016-2018 për menaxhimin e aktivitetit të peshkimit dhe akuakulturës nuk kanë qenë të mjaftueshme, nënvizon KLSH. Sipas saj, ka nevoja emergjente për plotësimin e kuadrit ligjor të peshkimit dhe akuakulturës, riorganizimin e duhur strukturor të MBZHR-së në përputhje me Strategjinë Kombëtare të Peshkimit, mbulimin me inspektim të të gjithë zinxhirit të aktivitetit të peshkimit dhe sigurimin e mjeteve logjistike në dispozicion të inspektorëve të peshkimit si dhe përmirësimin e infrastrukturës së përgjithshme të porteve të peshkimit dhe ekonomive të akuakulturës.

Të fundit

Ndahet nga jeta Paul Mario Day, këngëtari i grupit legjendar ‘Iron Maiden’

Këngëtari kryesor i parë i grupit legjendar Iron Maiden, Paul Mario Day, ka ndërruar jetë në moshën 69-vjeçare. Lajmi...

Berisha: Kodi i ri, atentat madhor kundër fjalës së lirë

reu i Partisë Demokratike, Sali Berisha, deklaroi se Kodi i ri Penal "shënon pothuaj dyfishimin e dhunës ligjore mbi qytetarët". "Edhe njëherë, narkoshteti nuk mund...

162 të vdekur, përplasja fatale e Boeing 727 dhe luftarakut F-86 tronditi Japoninë

30 korrik 1971 – Tragjedia ajrore mbi Morioka Përgatiti: L. Veizi Më 30 korrik 1971, një nga fatkeqësitë më të mëdha ajrore në historinë e Japonisë...

Turisti hungarez vjedh në Ksamil portofolin me lekë dhe kartat bankare të pushuesit

Një 36-vjeçar hungarez që kishte ardhur si turist për pushime në Shqipëri, është shpallur në kërkim nga Policia e Sarandës, pasi akuzohet se ka...

Ushtroi dhunë ndaj të bijës 19-vjeçare, arrestohet nëna

Një nënë 38-vjeçare ka rënë në prangat e policisë së Fierit pasi dyshohet se ka ushtruar dhunë ndaj vajzës së saj 19 vjeçe. “Specialistët për...

Lajme të tjera

Web TV