Kancelarja gjermane Angela Merkel ka njoftuar ditën e mërkurë izolimin e pjesshëm që do të nisë ditën e hënë me datë 2 nëntor.
Izolimi i pjesshëm është një version i lehtësuar dhe më pak intensiv krahasuar me masat e pranverës së kaluar.
Kufizimet e reja për muajin e ardhshëm
- Restorantet dhe baret do të mbyllen, përveç delivery
- Eventet publike do të anulohen përsëri
- Udhëtimet e panevojshme nuk janë të këshillueshme
- Qëndrimi gjatë natës në hotele, me përjashtim të situatave emergjente, është i ndaluar
- Të gjithë ata që mund të punojnë nga shtëpia duhet ta bëjnë
- Takimet në publik do të kufizohen në vetëm dy familje me deri në 10 persona gjithsej.
- Objektet e argëtimit si teatrot dhe kinematë do të mbyllen
- Qendrat e rekreacionit publik si pishina, palestra dhe sauna do të mbyllen
Çfarë lejohet
- Shkollat dhe kopshtet do të qëndrojnë të hapura
- Shërbimet kishtare dhe protestat do të lejohen
- Azilet do të pranojnë vizitorë.
- Dyqanet do të qëndrojnë të hapura, me një klient të lejuar për 10 metra katrorë
Merkel në një konferencë tregoi se numri i njerëzve në njësitë e kujdesit intensiv është dyfishuar në 10 ditët e fundit, dhe se në shumë zona nuk ishte më e mundur të gjurmohen zinxhirët e infeksionit. Në 75% të rasteve, burimi i infeksionit është i panjohur.
“Nëse infeksionet vazhdojnë me këtë ritëm, ne do të jemi në kufijtë e kapaciteteve të sistemit tonë shëndetësor,” tha ajo.
Kancelarja premtoi se firmat e goditura nga masat e reja do të marrin mbështetje ekonomike. Kompanitë me deri në 50 të punësuar dhe të vetëpunësuarit do të marrin 75% të të ardhurave të tyre si mbështetje.
Sipas raporteve të medias, një total prej 10 miliardë eurosh janë caktuar për mbështetje.
Deri tani, qeveria e Merkel ka gëzuar nivele të larta të mbështetjes për masat e vendosura për të luftuar pandeminë dhe Gjermania ka dalë relativisht mirë në krahasim me shumë fqinjë të saj europianë.
Por angazhimi publik ka ndryshuar dhe kritikat në mesin e popullatës për masat e përcaktuara nga qeveria janë në rritje. /Re.D/Fjala.al
