Ashtu siç ishte paralajmëruar më herët nga kryeministri Edi Rama, Kuvendi ka rrëzuar dekretin e presidentit Ilir Meta për Kodin Zgjedhor me 96 vota kundër.
Edhe kësaj radhe, mazhoranca ka marrë votat e mjaftueshme për ndryshimet e bëra në Kodin Zgjedhor.
Pak ditë më parë, kreu i shtetit i ktheu për rishqyrtim ndryshimet në Kodin Zgjedhor dhe i bëri thirrje Kuvendit dhe qeverisë ta rishikonin edhe një herë.
Sipas Presidentit Ilir Meta, me Kodin e ri zgjedhor vendi po shkon drejt zgjedhjeve ku rregullat e konkurrimit favorizojnë partinë e tij në pushtet.
Dekreti i Metës erdhi pak më shume se dy javë nga miratimi në Kuvend, pa konsensusin e opozitës jashtë parlamentare.
Kreu i shtetit ktheu në Kuvend dekretin për Kodin Zgjedhor, ndërsa kërkoi opinionin e Komisionit të Venecias lidhur me rekomandimet që duhen bërë në hartimin e tij.
Kreu i qeverisë Edi Rama doli kundër kësaj ndërhyrje duke deklaruar se nuk ka kohë të pritet Venecia pasi ligji zgjedhor ka nevojë të shkruhet e zeza mbi të bardhë për t’i prirë zgjedhjeve të 25 prilli.
Ndërsa lidhur me rekomandimet e Venecias të cilat pritet të vijnë në muajin Dhjetor, Rama theksoi se ato do të implementohen pas zgjedhjeve të 25 prillit./Bl.Ba/Fjala.al
