Një bombol oksigjeni ka shpërthyer të shtunën në një spital rus të Chelyabinsk.
Incidenti ndodhi kur bombola mori flakë në spitalin ku po trajtoheshin pacientët e infektuar me Covid-19.
Mësohet se rreth 170 pacientë, përfshirë 150 me koronavirus ishin në spital në kohën e shpërthimit, menjëherë pacientët u evakuan në mënyrë të sigurtë.
Prokurori Vitali Lopin tha për mediat lokale se dy pacientë që ishin në gjendje të rëndë dhe që ndodheshin në kujdes reanimator humbën jetën, pasi zjarri ndërpreu furnizimin me oksigjen.
Dy katet e spitalit, si dhe disa apartamente që ishin në një ndërtesë banimi afër spitalit morën flakë si pasojë e shpërthimit.
Banorët u evakuan me ndihëm e shërbimit të urgjencës dhe flakët u shuan menjëherë./ Re.D/Fjala.al
