Një grup priftërinjsh i ka shkruar një letër kryepeshkopit të Napolit, Kreshencio Sepe, duke i kërkuar të dalë kundër vendimit që Stadiumi i qytetit, “San Paolo”, të marrë emrin e Diego Armando Maradonës.
Legjenda e Napolit vdiq javën e shkuar në moshën 60-vjeçare pas një sulmi në zemër. Kryetari i Bashkisë së Napolit, Luixhi De Magistris, kishte vendosur menjëherë që stadiumin “San Paolo” ta riemërtojë me emrin e legjendës me numrin 10 të skuadrës italian.
Por ky propozim nuk ka gjetur miratimin e të gjithëve. Sipas të përditshmes “Il Mattino”, një grup priftërinjsh në Napoli i ka shkruar letër kryepeshkopit, duke i kërkuar që të refuzojë emrin e kampionit të botës së vitit 1986.
“Stadiumi San Paolo duhet të emërtohet në bazë të të shenjtit që na solli Jezusin”, – thuhet në letër. “Me përulësi, ndiejmë përgjegjësi që t’ju shkruajmë, – vijon letra e priftërinjve. –
Të gjithë pajtohemi për një gjë: Nuk duam vetëm një emër. Do të ishte në rregull të ishte emri “San Paolo – Maradona”, sikurse Milano e ka emërtuar Stadiumin “San Siro – Meaca”.
Letra është nënshkruar nga Don Salvatore Xhuliano, Don Luixhi Merola, Don Karmine Amore, Don Lelo Pontiçeli dhe Don Armando Sanino./Bl.Ba/Fjala.al
