Në Zagreb të Kroacisë është zhvilluar mbrëmja humanitare, “Pray for Albania”. Ky eveniment mbahet pas tërmetit shkatërrimtar me magnitudë 6.4 ballë që goditi Shqipërinë muajin e kaluar. Tërmeti la pas dëme të mëdha materiale dhe në njerëz.
Pas kësaj ngjarje u vu re solidarizimi jo vetëm i shqiptarëve, por edhe i gjithë rajonit. Kjo po tregohet e në këto ditë pasi kjo ngjarje nuk është lënë në harresë as nga vendet si Kroacia e cila ka zhvilluar mbrëmjen humanitare “Pray for Albania”.
Në këtë eveniment ka marrë pjesë dhe presidentja e Kroacisë, Kolinda Grabar- Kitarović e cila gjithmonë ka aspiruar partneritet strategjik me Shqipërinë.
Një presidente si Kolinda Grabar-Kitaroviç është krenari jo vetëm për Kroacinë, por edhe një shembull për Europën, pasi ajo gjithmonë ka shfaqur vizionin e saj bashkëpunues rajonal./K.L./Fjala.al/
