Në Tiranë pritet që të mbahet një protestë kundër presidentit serb Alekasandër Vuçiç. Në rrjetët sociale, një prej organizamtorëve Enis Sulstarova shprehen se protesta simbolike do të mbahet përballë presidencës. “Aksion simbolik proteste ndaj Vuçiçit, të premten ora 17:00, lulishtja ‘Qemal Stafa’, përballë Presidencës, Tiranë”-thuhet në reagim. Po ashtu shoqërohet më një foto të Vuçiç ku shkruhet: “Këtu një kriminel lufte po vjen të pozojë për bamirësi”.
Presdenti serb pritet të mbërrijë në vendin tonë si pjesë e “Samit të Durrësit” ku do të mbahet takimi i tretë i vendeve të Ballkanit Perëndimor, e njohur ndryshe edhe si “Minishengeni Ballkanik”.
Ajo ishte një nismë e kryeministrit Edi Rama, homologut të tij maqedonas Zoran Zaev dhe kreut të shtetit serb Alekasadër Vuçiç. Ky samit është kundërshtuar nga Kosova dhe Mali i Zi, ku pretendojnë se kjo nismë e cila synon lëvizjen e lirë të njerëzve dhe mallrave në zonën e Ballkanit Perëndimor do të fuqizonte më shumë Serbinë, madje duke shprehur frikën se kjo do të rikthentë “Mini-Jugosllavinë”.
Kosova dje ka konfirmuar se nuk do të marrë pjesë, ku ishte vetë zyra e shtypit e presidientit Hashim Thaçi që bëri të ditur refuzimin e përfaqësimit. Megjithatë ideja për të arritur në një marrëveshje të shpejtë është mbështetur fuqimisht nga kryeministri Edi Rama i cili shprehet se “Minishengeni Ballkanik” do të hiqte barrierat kufitare dhe do të bashkonte më shumë vendet e shteve ballkanike.
Ndërsa më datë 21 në Durrës do mbahet samiti i radhës duket se nuk do të kalojë pa reagime ardhja e Vuçiç në Shqipëri. Qëndrimet më të fundit të presdientit serb i cili mohoi masakrën e Raçakut, e ndodhur gjatë luftës në Kosovë, ka nxituar edhe më shumë protestën.
